Өспүрүмдөр арасында укук бузууларды жана кылымыштуулукту алдын алуу боюнча жалпы класстык чогулуш

Акыркы убактарда коомчулукта өспүрүмдөр арасында укук бузуулар, анын ичинде топтошуп мушташуу, денеге залал келтирүү, ал тургай, оор учурларда өлүмгө алып келген фактылар көбөйүүдө. Бул терс көрүнүштөрдүн алдын алуу, окуучулардын укуктук аң-сезимин жогорулатуу жана жоопкерчиликтүү жүрүм-турумду калыптандыруу максатында, 2025-жылдын 14-февралында №67 мектеп-гимназиясында жалпы класстык жыйын өткөрүлдү.

Чогулушка катышкандар:

Жыйында мектеп администрациясы жана мугалимдер катышты:

Мектеп директору – Джумалиева Н.О.

Окуу-тарбия иштери боюнча директордун орун басарлары – Исабекова Э.Ж., Джакыпова Ч.С., Ажиева Н.Н.

Тарбия иштери боюнча директордун орун басары – Өмүрбекова А.Ж.

Социалдык педагог – Улакова А.К., Алабачаева М.К.

Мугалимдер – Буденная Е.Л., Бакивалиева А., Адеев Ж.А. ж.б.

Ошондой эле, Бишкек шаарынын Свердлов райондук ИИБнин милиция бөлүмүнүн БИИ, милициянын капитаны Токтомамбетов У.Т. катышып, укук бузуулардын алдын алуу боюнча маанилүү маалыматтарды берди.

Чогулушта каралган негизги маселелер:

1. Өспүрүмдөр арасында терс адаттардын жайылышын алдын алуу:

Спирт ичимдиктерин, тамеки, насвай, баңгизат колдонууга каршы түшүндүрүү иштерин жүргүзүү.

2. Коомдук жайларда жүрүм-турум эрежелери:

Гимназиянын окуучулары көчөдө жана коомдук жайларда өзүн кандай алып жүрүүсү керектиги тууралуу эскертүү.

3. Түнкү убакыттагы чектөөлөр:

Түнкү интернет клубдарга барууга тыюу салынары, саат 21:00дөн кийин сейилдөөгө уруксат берилбестиги.

4. Мектеп тартибин сактоо:

Сабак учурунда качып кетүү (тентимиштик) көйгөйүн алдын алуу.

5. Жеке жүрүм-турум маданияты:

Окуучулардын ашканада, дааратканада жана башка коомдук жайларда өзүн адептүү алып жүрүүсү.

6. Зомбулукту жана кемсинтүүнү болтурбоо:

Башкалардын ар-намысын кемсинтүү, коркутуп-үркүтүү, шылдыңдоо өңдүү терс жүрүм-турумдарга каршы аракеттер көрүлүшү.

7. Өспүрүмдөрдүн жоопкерчилиги:

Өспүрүмдөр тарабынан жасалган укук бузуу үчүн мыйзам чегинде жоопкерчилик каралганы тууралуу түшүндүрүү.

Жыйынтыгы:

Чогулуштун жүрүшүндө окуучуларга өз укуктары жана милдеттери тууралуу кеңири маалымат берилди. Ошондой эле, укук бузуу жана кылмыштуулуктун кесепеттери, анын жеке жана коомго тийгизген терс таасирлери баса белгиленди.

Мындай иш-чаралар өспүрүмдөр арасында укуктук аң-сезимди калыптандырууга жана мектептин тарбиялык иш-чараларын бекемдөөгө чоң салым кошот.