Советтик Армиянын Афганистандан чыгарылгандыгынын 36 жылдыгы

2025-жылдын 25-февралында №67 мектеп-гимназиясында Советтик Армиянын Афганистандан чыгарылгандыгынын 36 жылдыгына арналган иш-чара болуп өттү. Иш-чаранын коногу катары Афган согушунун ардагери, полковник Баишбек Джайлоев чакырылды. Иш- чарага 10- класстын жана 8- класстын 120 окуучусу катышты.

Мектеп окуучулары Афган согушу тууралуу маалыматтык презентацияларды даярдап, согуштун тарыхы жөнүндө кеңири маалымат беришти. Курман болгондорду эскерүү максатында бир мүнөттүк жымжырттык жарыяланды. Андан соң иш-чара ыр-бий менен улантылып, окуучулар өз өнөрлөрүн тартуулашты.

Иш-чаранын соңунда Афган согушунун ардагери Баишбек Джайлоев сөз сүйлөп, окуучуларга каалоо-тилектерин билдирүү менен аларды мекенди сүйүүгө, урматтоого жана коргоого чакырды.

Ал эми ар бир класста Афган согушу тууралуу класстык сааттар өтүлдү.