Достук фестивалы “Тил – достукка көпүрө”

17-февралда Свердлов районунун № 67 ОТК мектеп-гимназиясында  Эл аралык эне тил күнүнө карата «Тил-достукка көпүрө» аттуу достук фестивалы болуп өттү. Көп улуттун балдары билим алган гимназияда көп тилде ырлар окулуп,ар улуттун тилинде обондуу ырлар жаӊырды.Окуучулар  ар түрдүү улут бийлерин бийлешти. Бул иш-чарага чакырылган коноктор  Свердлов райондук Билим берүү борборунун директору Байгулов Нурлан Өмүрбекович, Кыргыз Мамлекеттик Улуттук Университетинин Конфуций институтунун директору Чэн Чжигуо мырза, институттун маданий программалар координатору Ху Дунмей айым , институттун программалар координатору Усенбаева Жылдыз Рысбековна катышышты. Коноктор иш-чаранын башында Конфуций институту менен № 67 ОТК мектеп-гимназиясынын ортосунда түзүлгөн келишимдин негизинде жүргүзүлүп жаткан кытай тилин үйрөтүү иштери менен таанышышты. Жаӊы ачылган кытай тили кабинетинде кытай тили мугалимдеринин, волонтер-мугалимдин жана окуучулардын алгачкы жетишкендиктерине күбө болушту.

Жогорку деӊгээлде уюштурулган иш-чара катышуучуларга жагымдуу маанай тартуулап, улуттар аралык  достук мамилени чыӊдоого өбөлгө түзө алды.