Аттестат тапшыруу аземи

Бүгүн, 2023-жылдын 23-июнунда Бишкек шаарынын Свердлов районундагы №67 мектеп-гимназиясынын 2022-2023-окуу жылында 11-классты аяктап жаткан 215  бүтүрүүчүгѳ  орто билими тууралуу аттестатын тапшыруу аземи болуп ѳттү.

215 бүтүрүүчүнүн арасында ЖРТ боюнча 1 Алтын сертификаттын, 3 Алтын тамга артыкчылык аттестатынын ээлери бар.

Бул салтанаттуу иш-чарага бүтүрүүчүлѳр, ата-энелер, мугалимдер жана ардактуу коноктор —  Бишкек шаардык Кеңешинин депутаты Дайырбеков Таалай Эсенбекович, Свердлов райондук администрациясынын башчысы Саргазаков Максатбек Таштанбекович, Свердлов районунун Билим берүү борборунун директору Байгулов Нурлан Өмүрбекович катышышты.

Салтанаттуу иш-чара кѳңүлдүү жана шаңдуу ѳттү.

Бишкек шаардык Кеңешинин депутаты Дайырбеков Таалай Эсенбекович бүтүрүүчүлѳрдү куттуктап мектепке мэрия жана Свердлов райондук администрациянын атынан интерактивдүү панель белек кылды.