9- сентябрь Комуз күнү

2025-жылдын 9-сентябрында №67 жалпы билим берүү мектебинде Комуз күнү белгиленди.

Иш-чаранын алкагында:

• класс жетекчилер тарабынан Комуз күнүнө арналган класстык сааттар өткөрүлдү;
• окуучулар даярдаган сүрөттөр жана плакаттар көргөзмөгө коюлду;
• комуз ийриминин окуучулары комуз чертип, ыр аткарышты;
• бий ийриминин окуучулары «Комузчу» ырына бий бийлешти;
• 8-класстын окуучулары акын Алыкул Осмоновдун «Комуз» аттуу ырын көркөм окуп беришти;
• 10–11-класстын окуучулары залкар комузчулар, ошондой эле комуздун жаралышы жана түрлөрү тууралуу видеороликтерди даярдашты.

Иш-чарада окуучулар улуттук музыкалык аспапка болгон кызыгуусун жана чыгармачылык жөндөмдөрүн көрсөтүштү. Комуз күнүнүн белгилениши улуттук маданиятты жана руханий баалуулуктарды даңазалоого чоң салым кошту.