23-февраль – Ата Мекенди коргоочулар күнү
2025-жылдын 25-февралында мектептин спорт залында 23-февраль – Ата Мекенди коргоочулар күнүнө карата 10-класстар арасында саптык даярдык жана саптык ырлар боюнча сынак өткөрүлдү. Иш-чара үчүн атайын калыстар тобу түзүлүп, анын төрагасы болуп Афган согушунун ардагери Баишбек Джайлоев, ал эми калыстар тобунун мүчөлөрү катары кыргыз тили мугалими Кубаталиева Н.М. жана орус тили мугалими Т.Б. Шапошникова шайланышты.
Сынакка 10-«А», 10-«В», 10-«Г» жана 10-«Д» класстары катышты. Жыйынтыгында тапшырмаларды мыкты аткарган 10-«А» классы 1-орунду ээледи, 10-«Г» жана 10-«Д» класстары 2-орунга, ал эми 10-«В» классы 3-орунга ээ болду.
Мындан тышкары, ар бир класста класстык сааттар өткөрүлүп, 9-10-класстар арасында презентация жана плакаттар боюнча конкурс уюштурулду.
Бул иш-чаранын негизги максаты – окуучуларды мекенди сүйүүгө, коргоого, намыскөйлүккө жана патриоттуулукка тарбиялоо.
Комментарии