21- февраль Бүткүл дүйнөлүк эне тили күнү

2025-жылдын 21-февралында Бүткүл дүйнөлүк эне тили күнүнө арналган “Кыргызстандын күн желеси” аттуу иш-чара болуп өттү. Иш-чара мектептин актовый залында уюштурулуп, 7-класстын окуучуларынын катышуусунда өткөрүлдү.

Майрамдык кечеде Кыргызстанда жашаган ар кыл улуттардын каада-салты, маданияты көрсөтүлүп, ыр-бий менен коштолду. Ошондой эле, ар бир класста окуучуларды биримдикке, ынтымакка жана достукка үндөгөн класстык сааттар өткөрүлдү.

7–8-класстын окуучулары бул күнгө карата ар кандай плакаттарды даярдап, сүрөттөр тартып илишти. Мындан тышкары, 9-класстын окуучулары даярдаган презентациялар телевизордон көрсөтүлүп турду.

Бүткүл дүйнөлүк Эне тили күнүнө карата иш-чара өткөрүүнүн максаты

1. Тилдик жана маданий ар түрдүүлүктү даңазалоо – Ар улуттун тилин жана маданиятын урматтоо, тилдин адамзат үчүн маанилүү байлык экенин түшүндүрүү.
2. Тил аркылуу билим берүүнү колдоо – Окуучуларга жана жарандарга эне тилинде билим алуунун маанилүүлүгүн жеткирүү.
3. Эл аралык тилдик укуктарды коргоо – Ар бир адам өз эне тилинде сүйлөө жана билим алуу укугуна ээ экенин белгилөө.
4. Жаш муундарга тилдин маанисин түшүндүрүү – Окуучуларга эне тилди үйрөнүү, өнүктүрүү жана урматтоо сезимин калыптандыруу.
5. Жоголуп бараткан тилдерге көңүл буруу – Дүйнөдөгү аз санда сүйлөнгөн жана коркунучта турган тилдерди сактоого жана өнүктүрүүгө көмөктөшүү.
6. Мамлекеттер аралык тилдик кызматташууну күчөтүү – Ар кайсы элдердин жана өлкөлөрдүн тилдик маданиятын жакындаштыруу, тил үйрөнүүнү жайылтуу.

Бул иш-чаралар коомдо тилдин маанисин жогорулатып, көп тилдүүлүктү жана маданий мурастарды сактоого багытталган.