1-КЛАССКА 2024-2025-ОКУУ ЖЫЛЫНА КИРҮҮ
Урматтуу ата-энелер!
Мектепке электрондук катталуу
Ал эмне?
АМС “Мектепке электрондук каттоо” долбоору – бул Кыргыз Республикасынын мамлекеттик жана муниципалдык жалпы билим берүү уюмдарына мектеп жашына (6-7 жаш) жеткен балдарды биринчи класска жазуу процессин автоматташтырууну камсыз кылуучу маалыматтык системасы.
АМС “Мектепке электрондук каттоо” Кыргыз Республикасынын Билим берүү жана илим министрлиги тарабынан иштелип чыккан мамлекеттик билим берүү кызматын ишке ашыруу үчүн акысыз программалык продукт болуп саналат.
АМС “Мектепке электрондук каттоо” киргизүү төмөнкү маанилүү маселелерди чечүүнү болжолдойт:
- балдарды биринчи класска киргизүүдө коррупциялык схемаларды минималдаштыруу
- билим берүүнүн жеткиликтүүлүгү жана жалпы билим берүү уюмдарына орун алуу үчүн ыңгайлуу шарттарды түзүү;
- орундарга муктаж болгон балдарды толук эсепке алуу;
- баланы мектепке каттоонун ыңгайлуу жана жеткиликтүү тартиби;
- автоматтык режимде маалыматтарды чогултуу жана иштеп чыгуу;
АМС “Мектепке электрондук каттоону” ишке ашыруу КРнын ар бир жаранына мектеп жашына жеткен 6-7 жаштагы баланы бирдиктүү электрондук mektep.edu.gov.kg реестрине биринчи класска кирүү үчүн каттоого мүмкүнчүлүк берет.
Балдарды 2023-2024-окуу жылына карата биринчи класска электрондук каттоо тартиби жөнүндө маалымат.
Мектепке электрондук каттоо этап боюнча жүргүзүлөт:
- Биринчи этап – юридикалык жашаган жери боюнча (туруктуу катталган жери боюнча) – 2023-жылдын 8-апрелинен (9:00) 2 июнуна чейин,;
- Экинчи этап – жашаган жери боюнча (катталган жерине карабастан) – 2024-жылдын 3-июнунан (9:00) 30-августуна чейин.
Арыз берген ата-энелердин/ мыйзамдуу өкүлдөрдүн инсандыгын ырастоочу документтери (паспорт, баланын туулгандыгы тууралуу күбөлүк), ата-эненин/ мыйзамдуу өкүлдүн жана баланын жеке идентификациялык номери болбосо, баланы 1-класска каттоого мүмкүн эмес!
2024-жылдын 8-апрелине чейин ата-энелер / мыйзамдуу өкүлдөр төмөнкүлөрдү даярдашы керек:
– паспорт;
– баланын туулгандыгы тууралуу күбөлүк;
– жеке идентификациялык номер (ПИН — 14 маанилүү идентификациялык номер, ал ата-эненин/ мыйзамдуу өкүлдүн жана баланын паспортунда көрсөтүлгөн. Ал жок болгон учурда жашаган жери боюнча калкты тейлөө борборуна (КТБ) кайрылуу зарыл.
— Мамлекеттик каттоо кызматынын электрондук порталында каттоо дарегинин бар экендигин текшерүү.
Система программалык деңгээлде жарандардын төмөнкү жеңилдетилген категорияларына артыкчылык берет:
– аскер кызматчыларынын балдары алардын үй-бүлөсүнүн жашаган жери боюнча;
– кайрылман статусу бар Кыргыз Республикасына көчүп келген этностук кыргыздардын балдары тиешелүү маалымкат берилсе;
– ушул жалпы билим берүү уюмунда учурдагы жылдын 1-сентябрына карата бир жылдан кем эмес иштеген мугалимдердин жана мектептердин штаттык кызматкерлеринин балдары.
8-жылдын 2024-апрелине чейин иштеп жаткан аскер кызматчылары, кайрылман статусу бар этникалык кыргыздар, мектептердин мугалимдери жана штаттык кызматкерлери жогоруда аталган документтерге кошумча иштеген жеринен маалымкат даярдашсын (баланы мектепке каттоо учуруна).
Баланы биринчи класска кабыл алуу жөнүндө билдирүү алгандан кийин, ата-эне/мыйзамдуу өкүл үстүбүздөгү жылдын 1-августунан 30-августуна чейинки мөөнөттө мектепке төмөнкү документтерди берүүгө милдеттүү:
— баланын жана ата-энесинин/ мыйзамдуу өкүлдөрүнүн биринин инсандыгын ырастаган документтердин – баланын туулгандыгы тууралуу күбөлүктүн жана ата-энесинин биринин паспортунун нотариалдык күбөлөндүрүлгөн көчүрмөлөрү;
– ден соолугунун абалы жөнүндө медициналык маалымкаттын түп нускасы (белгиленген формада);
– алынган эмдөөлөр жөнүндө медициналык маалымкаттын түп нускасы (белгиленген формада);
– баланын 3х4 см өлчөмүндөгү сүрөтү.
Документтер аталган жылдын 1-августунан 20-августуна чейинки мөөнөттө берилбеген учурда бала мектепке кабыл алынбайт.
Электрондук кезек боюнча суроолорду төмөнкү телефондорго чалып берсе болот:
0312 61 39 72, 0312 61 23 40 — Бишкек шаары;
0312 66 06 89 — Биринчи май району;
0312 65 68 93 — Ленин району;
0312 53 63 38 — Свердлов району;
0312 51 18 20 — Октябрь району.
Техникалык колдоо телефону:
110
ОТК №67 мектеп-гимназиясынын микроучастогу:
| Көчөлөр | Үй № |
| Ж. Абдрахманов көчөсү | 97, 97а, 99, 99/1, 101, 105/1, 105/2, 105/3, 119, 125 |
| Үсенбаев көчөсү | 3, 3а, 24, 26, 37, 47,
Жеке сектор 39/1 – 39/5, 41, 43, 45, 51 |
| Шопоков көчөсү | 29, 29а, 31, 31а, 33, 34, 35, 36, 37, жеке сектор 38 |
| Бөкөнбаев көчөсү | 14, 59, 61, 76, 78 |
| Ибраимов көчөсү | 26, 28, 30, 32, 34, 40, 42 |
| Москва көчөсү | 64, 86,
Жеке сектор 80 |
| Чокморов көчөсү | жеке сектор 81, 81а, 81б, 83/1, 83/2, 83/3, 83а, 85 |
| Түгөлбай Ата | 39 |
Ата — эне/ мыйзамдуу өкүл баланы биринчи класска кабыл алуу жөнүндө билдирме алгангандан кийин, учурдагы жылдын 1 — августунан баштап 1-сентябрынан кечиктирбестен мектепке төмөнкү тастыктоочу документтерди берүүгө милдеттүү:
-мектепке кабыл алуу жөнүндө ата-энелеринин/ мыйзамдуу өкүлдөрүнүн биринин арызы;
-баланын жана ата-энелеринин/ мыйзамдуу өкүлдөрүнүн биринин инсандыгын ырастоочу документтери — нотариалдык жактан күбөлөндүрүлгөн баланын туулгандыгы тууралуу күбөлүгү жана ата-энелеринин/ мыйзамдуу өкүлдөрүнүн биринин паспорту;
-ден соолугунун абалы жөнүндө медициналык маалымкаттын түп нускасы (белгиленген формалар);
-алынган эмдөөлөр жөнүндө медициналык маалымкаттын түп нускасы (белгиленген формалар);
-баланын 3х4 см. өлчөмүндөгү сүрөтү.
1 — августан баштап 1-сентябрга чейин мектепке тастыктоочу документтерди алып барбаган учурда бала 1-класска кабыл алынбайт.
Билим берүү жана илим министрлиги мамлекеттик жана муниципалдык мектептердин биринчи классына электрондук кабыл алууда даректи убактылуу каттоо биринчи турда катталууга кепилдик бербей тургандыгын эскертет.