8-март Аялдардын эл аралык күнү

2025-жылдын 7-мартында №67 мектеп-гимназиясынын жыйындар залында 8-Март – Аялдардын эл аралык күнүнө арналган майрамдык кече болуп өттү. Иш-чараны мектептин директору Джумалиева Нургүл Оёзбековна ачып, мугалимдерди майрамы менен куттуктады. Ошондой эле, райондук олимпиадада ийгилик жараткан жана мектепте көп жылдан бери үзүрлүү эмгектенген мугалимдерге ыраазычылык каттарын тапшырып, алардын эмгегин жогору баалады.

Майрамдык кече мектептин таланттуу окуучуларынын концерттик программасы менен улантылып, алар өз өнөрлөрүн тартуулап, ырдап-бийлеп, көрүүчүлөргө жагымдуу маанай тартуулашты. Кечеге келген коноктор да жылуу таасир алып, кубанычтуу маанайда болушту.